कैलाश पति शिव भोला दर्शन दे जा मोला
02 अगस्त 2026
तोर चरण मं माथा नवावव
किरपा कर दे मोला
कैलाश पति शिव भोला
दर्शन दे जा मोला।
जटा मं गंगा,माथे मं चंदा
गले मं नाग के हार
मन के अंधियारा हर लें
डमरू मधुर बजाय।
दुःख हर लें मोर भोला
सुन लें अरजिया मोला
कैलाश पति शिव भोला
दर्शन दे जा मोला।
नंदी तोर दुआरी बइठे
भूत_गन रहय संग मं
भक्तनन ऊपर दया बरसावव
खाली हाथ कोई न जाय।
भक्ति के जोत जला दे
उजियारा कर दे मोला
कैलाश पति शिव भोला
दर्शन दे जा मोला।
सावन के पावन महीना मं
गुँजें बम_बम तोरेच नाम
बेल पत्ता अउ जल चढ़ावव
लेवव मोर परनाम।
तोर भरोसा एके मोला
तू ही पालनहार
कैलाश पति शिव भोला
दर्शन दे जा मोला।
नेहा दीपक